Ekainaren 6an aterako gara Tolosatik eta Ramales de la Victoria herrian dagoen aterpean egingo dugu lo. Ekainaren 7an Calaca-Mortero del Polaco zeharkaldia egingo dugu. Leize sarrerara ordu erdi inguruko ibilaldia dago. Ez da zeharkaldi zaila, rapelik handienak 27 metro ditu. Zeharkaldia 4 edo 5 ordu ingurukoa izango da, 2.700 metroko luzera eta 270 metroko desnibela. Irteeratik kotxera ordu erdi inguru dago. Ramales de la Victoria herriko aterpera itzuliko gara lo egitera.
Ekainaren 8an, igandean Vallina–Nospotentra zeharkaldia egingo dugu. Kobazulo sarrerara 15 minutu daude kotxetik. Zeharkaldi erraza da, 3 ordu irauten du, rapel handienak 18 metro ditu. Bukaeran zati handi bat arrastaka joan behar da. Irteeratik kotxeetara 30 min daude.
Eraman beharreko materiala frontala, kaskoa, arnesa, zortzia eta lotzeko kaboa dira.
Izena emateko 688 69 86 42 telefono zenbakira deitu behar da edo info@oargi.org helbidera idatzi. Izena emateko azken eguna maiatzaren 27an izango da.
Irteera 12 pertsonara mugatua egongo da eta federatua egon behar da.
Izena ematerakoan 20 euro aurreratu behar dira ondorengo kontuan: Euskadiko Kutxa 3035 0028 11 0281141038