Orain arte, nahiz eta arrakastak jaso, ez ziren gaur bizitzen diren bezala bizitzen eta ospatzen. Arraunean, futbolean, trial bike-ean, gimnastika erritmikoan, ... Hainbat kiroletako txapelketetan postu oso onak lortu izan dituzten arren, herriak ez zekien.
Eta, ez zekien, ez zelako argitaratzen eta ez zitzaiolako garrantzirik ematen. Senitarteko eta lagunak bakarrik ziren horren berri zutenak. Badirudi gauzak aldatzen hasi direla, eta emakume kirolarien berri badaukagula. Gehiago esango nuke: orain, beraien poztasuna konpartitzen dugu kirolariak ez garenok ere, batetik, kirolean zerbait garrantzitsua lortu dutelako eta, bestetik, emakume irabazleak direlako.
Eta, niretzako, hori da aldatzen hasi dena: emakumeoi irabazle moduan begiratzen hasi zaizkigula. Eta, bazen garaia. Emakume asko pozten dira gizonezkoen kirol arrakastekin; ez zait hainbesterainokoa iruditzen, eskatzea, alderantziz ere gerta dadila. Eta gertatzen hasi da. Eskerrik asko, duela urte asko hau hasi zenuten guztiei.
Aldaketaren pausoak
2019ko mai. 19a, 19:59
Azken boladan, sorpresa galanta hartu dut nesken kirolean arrakastak nola bizi diren ikusi dudanean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!