Amaia eta Sara ama-alabak Altzagan. Bada antza: hatz zabalak, azal zatarra, praka zaharrak. Alabak zalantza bat: Aralar ala Pacma. Amak arantza bakarra: Ardanza falta.
Añanan Ana Lasa ama bakarra ta Gamarran Xabat Arzak makarra. Araban bada aztarna: Aznar, Zaplana... Atzapar latzak, ta garra falta. Aparra hamarkadatan, ta hara…hankak dardarka. Kalabazak? Zapla!
-Bla, bla, bla… Lata, zarata, zalaparta. Arrapaladan, Martak pankarta zabal: ‘Apartak gara. Anarka bazara, altxa!’. Aldapan barna, arnasa makal Naiarak: ‘Anagrama galanta, Marta! Fatxak ataka!’.
Zallan, Arantxak lana: azafata da. Malta, Qatar, Dakar, Gaza, Habana… Alaskan da, ta kartaz, azkar: ‘Ama, 24an traba bakar bat: ganbaran da NANa‘.
Algarak Bar Amasan. Kartan patata salda, sagarra, flana, gazta. Jarran patxarana. Batzarrak barran, kartak mahaian, baraja dantzan. 24an, txanda-pasa.
Hamarrak plazan. Jazza, rapa, arpa. Zarama, Asgarth, Amaral. Zanpantzarrak. ‘Bals bat’ kanta. Baba sahararra ta Samba madagaskarra balantzan. Han balak, armak, kargak. Araman, gatza ta dantza.
Kalakan Paxkal ta Sandra. Sandrak xarma: anbar kalparra, laranjak galtzak. Paxkal marmarka, dardarka: ‘Laztana….’ Ta danba: adarrak. Kapaza da. Matraka garratza, ta bakarka amagana.
Arrantzak 24an antza. Ganbak, kalamarrak ta abarrak kaxara; ahal bada, harrapazank panga. Txatka. Basatzan ala baratzan, aza bakar bat? Kaka! Hamarnaka aza, arana, baba, albahaka, mahaspasa, papaia, anana… Apa!
Nafarroa arraroa. Joan da Yolanda, malkotan. Adolfo ahotan, Barkos asmotan. Jokoan tronoa, askotan monotonoa. Kaosa aproposa. Botoak gora, arrotzak albora, motzak kanpora. 24ko hotsa, goragoko harrabotsa.
Hordagoa. Hor dago A. Aukera bakarra izan da ia A; testuan bezala, baita herri askotan ere. Aukera posible bakarra izan da batzuetan; besteetan, berriz, ezberdinak agertu arren, ezin izan dute Aren erabateko hegemonia hautsi.
Badator beste lau urtez konfiantza eman edo beste bati aukera emateko eguna. Aldaketa ziurtatzen dute oposizioan daudenek; denek diote herritarren nahiak errespetatuko dituztela, herriaren hitza entzun eta beteko dutela. A eta O, ordea, ez dira harramazkaka ariko diren bakarrak. Klasikoak eta berriak ere badira boto paperetan. 68 zerrenda Tolosaldean. Kanpainaren ondotik, kanpaikadaren bat ziur.