Dena den, gure bertsiorik onena ateratzea lortzen ez genuela ikusita, aurkariak markagailua estreinatu zuen area barruan egindako lapurreta batean, atsedenaldirako 3:28 falta zirenean, eta horrela amaitu zen lehen zatia (0-1).
Aldageletatik itzuli ondoren, Dani, Raul, Ceci, Zaldua eta Alvarorekin eman genion hasiera bigarren erdiari. Pixkanaka, hobetzen joan ginen, eta horrek aldeko hiru gol ekarri zituen oso denbora gutxian. Lehenengoa 22. minutuan izan zen, Alvaro penaltiko marran atezainari aurre egiteko biratu zenean, ondoren gol ikusgarria sartzeko (1-1). Antzera, minutu bat beranduago eta arrisku gunean biratzen hau ere, bigarrena heldu zen Ceciren eskutik, eta aurretik jarri ginen (2-1). Handik gutxira, Ivanek 3-1ekoa jarri zuen penalti bat jaurtita (25. minutua). Gehiagorako gogoz, minutu bat ere ez zuen behar izan Chukyk laugarren gola sartzeko, erditik jaurtiketa bikaina eginda (4-1).
Hain denbora gutxian markagailuan tarte horrekin jartzeak poza ekarri zuen, baina Dani eta Rauli txartel gorria atera arte iraun zuen horrek. Horrela, agertokia guztiz negatiboa zenean, Marcos agertu zen bere magia egiteko, eta topaketaren unerik delikatuenean taldea eusteko. Hala ere, gutxiagotasun nabarmenak, logikoa den bezalaxe, nafarren bigarren gola suposatu zuen hain justu bigarren zati honen erdialdean. Are gehiago, atezain jokalariaren aldeko apustua eginda, 4-3koa jartzea lortu zuten amaierarako minutu bat pasatxo falta zenean. 4-3koarekin eta 5eko jokoari eustea erabakita, Txikik ez zuen aukera alferrik galdu, eta ate hutsera jaurti zuen partida 5-3koarekin ixteko.
Benetan garaipen garrantzitsua izan da asteburukoa, besteak beste, zortzigarren postuan kokatu garelako, eta gainetik dauden aurkariengana hurbildu garelako, behekoengandik urrundu garen bitartean. Amaieran, honakoa adierazi zuen Diestrok: «Une zail batean egonda, merezi genuen garaipena izan da».
Goazen!