Horrela, motibazio gehigarri batekin, Chuky, Boli, Uri, Txiki eta Marcos bostekoarekin hasi genuen partida. Lehen aukera argia Boliren eskutik etorri zen, area barruan baloia jaurtitzeko aprobetxatu baitzuen, atezaina gehiegi atera zen abagune batean. Hala ere, defentsetako bat iritsi zen baloia urruntzera. Ondoren, talde batek zein besteak arrisku gunera iristen jakin genuen, baina ez genuen asmatu, 14. minutuan aurkako penalti batek Otxartaberen aldeko markagailua ireki zuen arte (0-1). Ondoren, atsedenaldirako 1:44ra, bosgarren falta egin genuen eta, beraz, lasaitu egin behar izan genuen penalti bikoitza saihesteko. Are gehiago, gure entrenatzaileak apustu sendoa egin, eta atsedenaldira joateko 40 segundoren faltan, 5eko jokoa aukeratu zuen. Horri esker, partida berdintzeko zorian egon ginen pare bat aldiz.
Aldageletatik bueltan, Boli, Txiki, Uri, Alvaro eta Dani aukeratu zituen Jotak bigarren erdiari hasiera emateko. Lehen bost minutuetan Bilboko taldea hurbildu zen kanpoko jaurtiketa indartsuekin, baina ondo kanporatu zuen baloia denetan Danik. Pixkanaka-pixkanaka, aukera politak ere sortu genituen, aipagarrienen artean hurrengo biak: Iliasena eta Chukyrena, non Chukyk zutoinari eman zion area erdian jaso ondoren, eta Txikirena eta Urirena, kontraeraso batean.
Hala eta guztiz ere, erasoan oso fin ez geundela eta aurkaria nabarmentzen ari zela kontuan hartuta, 5eko jokoarekin arriskatu zen berriro gure entrenatzailea, azken txistua entzuteko 5 minutu eskas falta zirenean. Oraingo honetan joko estilo hori ondo ateratzen ari ez zela zirudien arren, azkenean, 1:41en faltan, gol ikaragarria sartu zuen Urik eskuin hegaletik. Horrelako gol bat ikusi ondoren, merezi izan zuen hura iristeko itxaron genuen denbora guztiak. 1-1ekoarekin eta aldaketa gehiagorik gabe, partidaren amaierara iritsi gien.
+1 azken unean, eta partida bat bera ere galdu gabe jarraitzen dugu. Goazen!