4-4koa atezainen lan bikainak markatutako partidan

Erabiltzailearen aurpegia

Jotak zuzentzen duen taldeak sailkapeneko hirugarren sailkatuaren aurka jokatu zuen larunbatean lehen itzuliko azken jardunaldiko partida. San Juanen jokatzea beti da erronka bat, eta, beraz, ondo mentalizatuta iritsi ziren ibartarrak Iruñera. Gainera, azken orduko baja izan zen gure misterra eta horrek are gehiago zaildu zuen agertokia.

Jorge, Ilias, Eric, Chuky eta Oscarrekin hasi ginen. Partidako lehen ekintzan, San Juanek barkatu egin zuen area ertzean egindako lapurreta baten ondoren. Gero, Jorgek bi aukera garrantzitsu saihestu zituen jarraian, eta Chuky kontra ateratzen saiatu zen. Ikerrek ere aukera polita izan zuen, Alvaroren zerbitzura. Etxeko atezainak kanpora atera zuen baloia.

Lehen zatiko lehen minutuak pasata, markagailuak bere horretan jarraitzen zuen 0-0koarekin. Ondoren, jokoa gutxi aldatu zen, baina San Juan gure area barruan nabarmendu zen, eta, gauzatu gabeko hainbat aukera izan ondoren, 15. minutuan markagailua estreinatu zuen ezker hegaletik baloia iragaziz (1-0).

Horren ostean, moreek bosgarren falta igo zuten, eta Jorgeren beste zenbait parte hartzeek etxekoak markagailuan ez urruntzea eragin zuten. Hala ere, 2:46ra, Christianen falta batek penalti bikoitza ekarri zuen. Horrek ez zuen batere ikaratu gure atezaina, arrakastaz urrundu baitzuen jaurtiketa. Atsedenaldia 1-0ekoarekin iritsiko zela zirudienean, taldeko jokaldi ona burutu eta aldea handitu zuten berdeek (2-0).

Bigarren zatian, Jorge, Eric, Christian, Oscar eta Boli izan ziren lehen bostekoa osatu zutenak. Hasiera ezin hobea izan zen; izan ere, minutu gutxi batzuk pasata, Christianek bigarren zutoinean jaso zuen esferikoa, ondoren hura barrura sartzeko (2-1). Berehala, Boliren jaurtiketa on batek berdinketa jarri zuen Iruñean eta markagailua iraultzea posible zela sinetsarazi zuen (2-2).

2-2koa oso garrantzitsua izan zen, eta, jakina, indar handia irabazteko balio izan zuen, lehen zatian ia ez baitzen normalean egiten dugun joko nibela eta erritmoa nabaritu. Hala ere, Iker Tororen taldeak aurrea hartu zuen berriro, bigarren zutoinetik ate hutsera zihoan bolea batekin (3-2). 15 minutu luze falta ziren partida amaitzeko.

Emaitza horrekin, intentsitateak markatu zituen hurrengo minutuak. Aurkariari hainbat txartel hori atera ostean, gehiagorako gogoz, 5eko jokoaren aldeko apustua egiten zuen gure taldeak. Horrela, amaierarako 3:25en faltan, Christianek jaurtiketa indartsua egin eta Chuky pilota ukitzera iritsi zen neurketa tauletan jartzeko (3-3).

Partidaren emozioa handituz zihoan eta, denbora hutsarte baten ondoren, orain etxekoak ziren atezain jokalariaren figura aukeratzen zutenak. San Juango atezainari ateratako bigarren txartel horiak eta amaierarako minutu bat falta zenean Christianek sartutako golak (3-4), partidako emozioa bikoiztu zuten. Baina, orduan, azken txistua entzuteko 40 segundo eskasera, gure atean sartutako gol batek behin-betiko 4-4koa jarri zuen Iruñean.

Puntu batek bidaiatu zuen Nafarroatik Gipuzkoara, bigarren itzuliaren hasieraren atarian. Gure taldeak 2-0ekoa irauli zuen eta oso partida zaila izaten ari zena, aurrera ateratzen asmatu zuen. Elkarrekin egindako ekintza bakoitza oso garrantzitsua izan zen, baina, zalantzarik gabe, bi atezainen lan bikaina azpimarratu behar da, batez ere gurea, bata bestearen atzetik salbatu eta funtsezko esku hartzeak egin baitzituen, guztietan animatzera hurbildu ziren ibartar zale guztiak altxatuz.

Orain aurretik datorren horretan kontzentratzea tokatzen da, gaur mailako liderraren aurka jokatuko baitugu azaroan itoginek bertan behera utzitako jardunaldia berreskuratzeko, eta larunbatean Bizkaira joatea tokatzen da bigarren itzuliari ekiteko, CD Otxartabe aurkari gogorra bisitatuz. Dena ematen jarraitzea da gure asmo argia!

Goazen Lauburu!

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!