Partida Jorge, Eric, Christian, Oscar eta Ilias hasierako bostekoarekin hasi zen. Etxekoek pista erdian itxarotea erabaki zuten defentsan eta gure lehen ekintza Ericek egin zuen gora zihoan jaurtiketa batekin. Gureek ohi bezala presionatu zuten.
Erasoari dagokionez, gutxika hurbiltzen hasi ginen eta, 2:20 minutuan, taldeko ekintza on batek partidako lehen gola ekarri zuen. Area barruan, Iliasek Erici utzi zion jaurtitzeko eta honek gol ikusgarria sartu zuen area barrutik (0-1).
Aurrerago, Jorgek aurkariaren aukera argia salbatu zuen kontraeraso batean. Zarauzkoak markagailuan aurretik mantendu zuen gure taldea.
Pixkanaka-pixkanaka, Tauste jabetzan nabarmentzen joan zen, baina gureek ondo eusten zioten. Gainera, gure atezainak lan bikaina egiten jarraitu zuen, iristen zitzaion dena urrunduz.
Elektronikoak islatzen zuen emaitzarekin, aurkaria defentsan presionatzen hasi zen. Horren aurrean, erantzun ona eman genuen, eta Boli aldea lortzeko zorian egon zen, aukera oso argi batean. Atsedenaldirako 4:40ra, ordea, Taustek partida berdintzea lortu zuen, talde jokaldi on bati esker.
Egoeraz jabeturik, Jotak hutsartea eskatzen zuen atsedenaldirako minutu eskas falta zela. Helburua argia zen: aurretik jartzea. Entrenatzaile gasteiztarrak dena ematea erabaki zuen eta atezain jokalariaren aldeko apustua egin zuen. Ustekabean harrapatu genituen Zaragozakoak, eta Chukyk 1 eta 2-koa ipintzea lortu zuen. Arriskatzea ondo atera zen.
Aldageletatik itzuli ondoren, Jorge, Chuky, Alvaro, Eric eta Bolirekin hasten ginen. Ez genuen aukera argirik ikusi lehen minutuetan, gure ekintza batean Christianek jaurti eta baloia atezainaren eskuetan amaitzen zuen arte. Azken honek oso azkar ateratzeko aprobetxatu eta ondo koordinatzen zen jokalari batekin, berriro berdinketa lortuz (2-2). 14:48 falta ziren amaierarako.
Gero, 3x2 batean barkatzen zuten etxekoek, beren harmaila osoa altxatuz. Gehiagorako gogoz, berriz ere gola sartzeko zorian egon ziren ibartarren baloi galera batean, baina ez zuten lortu. Christianek zutoinera egindako jaurtiketa bat eta Ericen beste bat izan ziren gure bi aukera argiak amaierarako 8 minutu baino gutxiagora.
Neurketatik geratzen zena aurkariaren aukerek markatu zuten, batez ere. Jotak, orduan, berriz ere 5eko jokoaren alde egiten zuen, baina Taustek ondo egin zuen bere lana. Are gehiago, atezain jokalariaren figura ere aukeratu zuten 10 segundora.
Bi taldeak joko horretan murgildurik eta gehiagorako denbora gabe, azken txistua entzuten genuen eta puntu batek bidaiatzen zuen Gipuzkoako lurretara. Gure entrenatzaileak iragarri zuen: pista zail bati aurre egin behar genion, eta golen arteko aldea, izatekotan, oso txikia izango zen. Ba horixe.
Hurrengo erronkari begira, lehen fase honi amaiera onena eman nahi diogu, taulan ahalik eta postu altuena lortuz. Goazen Lauburu!
