Oro har, partida ona izan zen. Lehen zatia etxeko taldearen baloi jabetzarekin hasi zen. Nagusitasun horrek, hasieratik defentsan egindako presio handiarekin batera, bere fruituak ematen zituen Iñigok baloia lapurtu eta 6. minutuan markagailura igotzen zuen lehen golarekin (1-0). Gainera, beste bi minutu besterik ez zituen behar izan gure 2 zenbakiak markagailuan distantziak handitzeko nahikoa arrisku sortzeko. Izan ere, aurkarien taldeko jokalari batek zuzenean sarera zihoan baloia eskuekin geratu ostean, penaltiz bere bigarren gola sartzeko oso gertu egon zen Iñigo. Aukera ona izan zen, baina baloiak ez zuen sartu nahi izan.
Hala ere, aukera hura galtzearen amorruak ez zuen gehiegi iraun. Izan ere, minutu gutxira, Antxonek, atezainarekin aurrez aurre topo eginez, etxekoen bigarren gola igotzeaz arduratu zen (2-0). Moreen joko onak hutsartea eskatzea behartu zion talde nafarrari.
Horren ondoren, hegaletik ahalegindu ziren bisitariak eta bi aukera on izan zituzten. Bestalde, markagailuan aldea handitzen saiatzen jarraitzen zuten etxekoek. Baina, gola sartzeko gogoarekin batera, atsedenaldira heltzeko 6 minuturen faltan iritsi zen bosgarren falta. Pasa den astean Tafatransen aurka bizitako eskarmentuaren ondorioz, penalti bikoitzari bide emango zion ekintzarik ez eragiteko ahaleginetan ibili zen Arreguik zuzentzen duen taldea. Hala ere, oraindik 4 minutu luze falta ziren partidaren erdialdera iristeko eta, horrela, talde bisitariaren lehen gola iritsi zen (2-1).
Handik gutxira, Zubirikoak ere 5 faltarekin jarri ziren, bi taldeak baldintza berdinetan ipiniz. Dena den, ibarrakoen 6.na iritsi zen orduan eta, beraz, penalti bikoitza nafarrentzat, berdinketa lortuz (2-2).
Talde bisitariaren lorpenak lehen zati horretako azken minutuetako arreta bereganatzen zuenean, Zumeta iritsi eta, defentsari bizkarra eman eta erraztasun handiz, biratu eta ate barrura jaurtitzen zuen, Arreguiren taldearentzat hirugarren gola izango zena lortuz. 3 eta 2-ko emaitzarekin, ibartarrak berriro ere aurre hartzen zuten markagailuan.
Atsedenaldiaren ostean, bigarren zatiak gure jokalarien eraso gogorrarekin jarraitu zuen. Jokoa Andoniren bi jaurtiketa indartsuekin hasi zen. Hala eta guztiz ere, orain Ibararte zen nabarmentzen hasten zena, indar handiagoz sartuz eta partidaren norabidea alda zezaketen aukerak sortuz. Hala ere, bigarren zati honetako lehen 7 minutuak pasata, markagailuak mugitu gabe jarraitzen zuen.
Ibarartek berdinketaren bila jarraitzen zuen bitartean, gure atezainak erasoan nagusitasuna sortzen saiatzen ziren. Erasoaldi garrantzitsuak ere bizi izan ziren, Juaristi, Raid eta Antxon horien protagonista izanik. Are gehiago, eraso horietako bati esker, etxekoen aldeko penalti bat iritsi zen. Baina, ezin izan zen beste golik lortu, atezainak baloia kanpora bidali baitzuen.
Horrekin batera, Ibarartek ezer gutxi behar izan zuen berriro ere 5 faltekin jartzeko eta, beste behin, hutsartea eskatu zuen geratzen zen jokoa ahalik eta gehien aprobetxatzeko. Hala ere, amaierarako minutu bakarra falta zen jada eta, aldaketarik gabe, Belabietako amaiera iragartzen zuen txistua entzuten zen, lehen zatiaren amaieratik mantendu zen 3 eta 2-ko emaitzarekin.
Hori guztia kontuan hartuta, Arreguik "erasoan arintasunez" ikusi zuen bere taldea. Halaber, lehen zatian oso ondo aritu ziren arren, bigarrenean zuten abantaila ondo kudeatzen jakin ez zutela azaldu du. Entrenatzaile gasteiztarraren ustez, jokalariak ondo aritu dira defentsan, 20 minutuz emaitzari eusteko gai direla erakutsiz: "Pozik nago jokalarien jardunarekin. Pixkanaka, finkatzen ari dira eta gogor lan egiten dute”. Azkenik, Boliren lana azpimarratu nahi izan du bereziki, Ohorezko Jubenil Mailatik igo eta izandako lesioa medio ahalegin handia egin ostean, jarrera oso ona izaten ari baita.
Goazen Lauburu!