Datorren asteazkenean, uztailaren 15ean, Ohorezko Jubenil Mailako taldean jokatzeko saio bakarreko hautaketa proba antolatu du klubak. Estatu mailako oinarrizko areto-futbolaren adierazle nagusia izanik, iaz Lauburu izan zen maila horretako 3. multzoan presentzia izan zuen talde gipuzkoar bakarra.
Probintziako jokalari orori zuzenduta egongo da saioa eta jada taldeko kide diren jokalariez gain, jubenil territorialeko eta kadeteen taldeko beste gazte batzuek ere hartuko dute parte.
Probak 19:00-20:30 bitarte iraungo du eta Ibarrako Belabieta kiroldegian egingo da. Instalaziora sartzeko beharrezkoa izango da musukoaren erabilera. Era berean, klubak beharrezko prebentzio-neurri guztiak hartuko ditu.
Ez galdu aukera! 2 eta 4 plaza bitarte daude eta horietako bat zurea izan daiteke!
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
