ESKOLA KIROLA ETA KIROL FEDERATUA BERTAN BEHERA

Erabiltzailearen aurpegia

COVID-19 koronabirusak EAEko lurralde osoan izan duen bilakaera ikusita, eta Eusko Jaurlaritzako Osasun Sailaren jarraibideei jarraituz, ohar honen bidez jakinarazi nahi dugu Gipuzkoako Foru Aldundiko Kultura eta Kirol Sailak eskola-kirola eta kirol federatua bertan behera uztea erabaki duela. Horrek lehiaketa zein entrenamendu guztiak bertan behera uztea dakar bihartik (ostirala) aurrera.

Eskola-kiroleko jarduerak bertan behera uztearen arrazoia ikastetxe guztien eskola-jarduera presentziala eteteko erabakia betetzearekin lotuta dago. Bestalde, kirol federatuari dagokionez, Gipuzkoako lurralde eremuko kategoria guztietan eremu nazionaleko federazioen kasuan hartu den irizpide bera jarraitzea erabaki da: lehiaketak bertan behera uztea bi astez.

Hori guztia dela eta, klubean, osasun eta kirol-agintariek gomendatzen dutenaren jarraipen zehatza egiten jarraituko dugu une oro. 

Lauburu K.E

 

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!