Sortu berria den eskolatik aterako diren neskek gerora jarraipena izatea da Klubaren helburu bat, aurretik egindako lanarekin, bi urtera senior lehiaketara itzultzea. Hamar jokalari baditu jada klubak eta kaptazio jardunaldi berri hauekin bi gauza lortu nahi dira: data hauek ematen duten aukera aprobetxatuz teknifikazio saioekin hastea eta lauzpabost neska gehitzea lantaldea osatzeko.
Infantil kategoria honetan nesken lehiaketarik ez dagoenez, adin bereko mutilen kontra jokatuko luke nesken taldeak, eta ezaugarri hau ez da oztopo izango lehiaketan, izan ere, eskolan egon diren bitartean mutilen kontra parez pare jokatzeko gaitasuna soberan dutela erakutsi baitute.
Esperientzia berri honetan Lauburuk mimorik handiena jarriko du eta zailtasun guztien gainetik klubak emakumezkoen atala ere edukitzea bultzatuko du.
#GoazenLauburuKEIbarra #AukeratuMoreeginLauburu