Liga urriaren 7an hasiko da eta multzo bakoitia denez, Aitor Arevalok gidatutako taldeak lehenbiziko jardunaldian atseden egin behar duela erabaki du zorteak. Ibartarren debuta etxean izango da, bigarren jardunaldian, eta Lardero taldearen aurka.
Ligako lehenbiziko partidarako prestatzeko sei aste izango ditu taldeak eta denbora horretan entrenamenduez aparte lagunarteko batzuk ere jokatuko ditu, lehenengo partida horretara ahalik eta baldintza onenetan iristeko.
Egutegia ezagutu ostean entrenatzaileak zozketaren balorazioa egin zuen: abenduaren 9 arte txapelketa ez da gelditzen guretzat eta oso garrantzitsua da liga oso kontzentratuta egonda hastea, estutuz ahalik eta gorago egoteko. Bigarren itzuliak aldiz, geldialdi asko ditu eta goian ez bagaude, helbururik gabe geldi gaitezke, horrek liga oso luzea den irudipena emanez. Erronkak motibatu eta ilusioa pizten digu, talde gaztea dugu eta lanerako gogoarekin. Lehenbiziko egunetik lanean tope hasi behar dugu, aurkarien errespetoa irabazi eta gainditzeko talde zaila izateko.