Gauzak horrela, ostiral iluntzeko partida igarobide bat besterik ez zen eta, ondorioz, ez zen intentsitate altuko partidarik espero. Ez zen horrela izan, ordea. Epaileak partidari hasiera eman zionetik gogotsu eta sendo aritu ziren ibartarrak, baloia mugituz, joku bizkor eta dinamikoa egiten. Korner batean etorri zen lehen gola. Jokaldi taktiko batean Amaia Olazabalek gola sartu zuen. Atzetik beste hiru gol sartu zituen Lauburuk. Lehendabizikoa Olaia Lizartzak eta ondorengo biak Ane Artutxak.
Atsedenaldira iritsi aurretik ibartarrek gol bat jaso zuten arren, partida aldeko jartzea lortu zuten. Bigarren zatira, ordea, fidakor atera ziren neskak. Neurriz kanpo. Anoetarren hiru gol jaso zituzten eta markagailua estutu zen, 3-4. Orduan larritu ziren ibartarrak eta egoera berriz aldeko jartzeko asmotan baloia mugitzen hasi ziren, lehen minutuetako jokora bueltatzen. Artutxak bi gol sartu zituen eta arnasa hartzea lortu zuten neskek.
Partida amaitu aurretik laugarrena sartu zuten anoetarrek, beraz, 4-6 emaitzarekin bukatu zen lehia.