Ligaren amaiera zirraragarria izaten ari da, titulua lortzeko faborito direnak, beren partidak irabazten ari baitira. Jardunaldi honen ondoren txapelketa eten egingo da astebetez, aste santuko oporrak direla eta. Itzuleran, txapelduna ezagutzeko bi jardunaldi besterik ez dira geratuko, baina jakina, aukera hori izateko gaurko partida irabazi beharra dago.
LAUBURU ALDAZ KLINIKA, gizonezkoak, Zaldibiako pista zailean galdu bazuten ere, titulurako play-offean sartzeko aukerekin jarraitzen dute oraindik. Atzokoan final berri bat jokatu zuten Tolosan The Nest Zerbezeria-Hirukide Ikastetxea taldearen aurka; aurkari zuzena lehiaketa honetan. Liga arrunta amaitzeko bi jardunaldiren faltan, partida galdu egin du (5-1),beraz, taldea batere aukerarik gabe geratu da.
LAUBURU ALDAZ KLINIKA, emakumezkoak eta LAUBURU K.E. IBARRA, kadeteak, asteburu honetan jokatuko dute, liga arrunteko beren azken partida. Bi taldeak lan bikaina egin dute, lehiaketa bigarren postuan amaituko dute-eta. Postu honek titulua lortzeko aukera irekiko die.
Olatzen neskak atzo Anoeta F.T. taldearen aurka neurtu ziren 4-6 irabaziz eta Mikelen mutilak gaur, larunbata, Donostiako Tecnum Ingeniaritza Eskolan jokatuko dute Erain taldearen aurka 10:30etik aurrera.