Taldeak garaipen boladarekin jarraitzen du, baina seriotasun handiarekin jokatu beharko du oso erraz jarriko ez dion aurkari gogor honen aurka jokatzerakoan. Lehenbiziko itzulian, jada, ibartarrak Kantabriako kantxan utzi behar izan zituzten hiru puntuak eta itzulerako partidan berriz, lan asko egin ondoren geratu zien puntuak Belabietan.
Lehenengo taldearen egoerak ere, ez du laguntzen; Arrak eta Asierrek Segorben jokatu beharko baitute Bigarren B Nazionalarekin, eta Andoni, Agus eta Peña gehituta, guztira bost jubenil izango baitira deialdian sartu direnak. Egoera honi Huiciren lesioa gehitu behar zaio eta Josuk entrenatzeko arazoak izan dituela minagatik. Azken jardunaldietan asko errepikatzen ari den egoera, zoritxarrez, eta azkenean eragina izango duena. Jubenilen Ohorezko Mailan berriro Alvaro igoko da kadete mailatik eta denen artean hiru puntuak gehitzen saiatuko dira, taularen goiko aldean egoten jarraitzeko.
Emaitzen dinamika bikainarekin jarraituz, beste jardunaldi batez, kategoria probintzialeko taldeak garaipena eskuratu zuten euren partidetan.
Atzo ostirala, LAUBURU ALDAZ KLINIKA, gizonezkoen 1go Maila, Power Rangers K.E. 1986 taldearen aurka neurtu zen, sailkapeneko hondarrean dagoena, hain zuzen.
Gaur, 15:30etik aurrera, Idiazabalgo Zelaa kiroldegian, emakumezkoen ligako LAUBURU ALDAZ KLINIKA taldea, sailkapeneko liderra den Idiazabal K.E. taldearen aurka neurtuko da. Lehia handiko partida izango da.
Azkenik, LAUBURU K.E. IBARRA, kadeteen taldeak, bihar igandea, 11:00etatik aurrera Erain taldea jasoko du Belabieta kiroldegian. Talde honek, ibartarren atzetik, hirugarren postua betetzen du sailkapenean.