Gainditzea oso zaila izango den mugarri bat ezarri dugu; guztira zazpi hautatu izateak, selekzio hauetara jokalarien ekarpena egin duten talde guztien aurretik kokatu da Lauburu. Klubak gertaera hau garaipen bikoitza gisa ospatu behar dela ulertzen du. Alde batetik, Bigarren B Mailako liga zorrotz honetan, lantalde gaztearen aldeko apustua egin izana berresten da; eta bestetik, oraindik pozgarriago dena: Ibarrako kantera, gure komunitate osoan onartutako erreferentea dela.
Txapelketari dagokionez, Euskadik, ostiralean, hilak 20an, Balear Irlak konbinatua izango du aurrez aurre, Abetxuko kiroldegian. Biharamunean, larunbata 21, Nafarroaren kontra jokatu beharko du, Ibaiondon 13:00etan; eta amaitzeko, Galiziaren kontra, igandean, eraikin berean 12:00etan.
Klubaren ohiko jarduerari dagokionez, ez dagoela geldirik esan genezake, gure bi talde nagusiek aste honetan atsedena badute ere, pasa den asteartean klubeko atezainentzat bereziki zuzendutako entrenamendua burutu zen. Bertan, kadete, jubenil eta senior taldeen atezainek hartu zuten parte. Lehenengo taldeko entrenatzaileak zuzendu zuen entrenamendua eta onuragarria izan zen partehartzaile guztientzat.