Moratuen taldeak Pinseque F.S. taldea jasoko du, bi puntuko aldearekin, Colo Colo eta Zierbenaren atzetik hirugarren sailkatua dena, hain zuzen.
Moratuek, Aragoiko lurretan, denboraldiko lehenbiziko partidan jasandako porrotaren errebantxa nahiko dute, partida hartan, agian, emaitza hobea lortu ahal zelako (4-2).
Kategoriako lantalderik onenetako bat da Pinseque, zalantzarik gabe, eta urtez urte taularen goiko postuetan kokatzen da. 13-14 denboraldian Ligako txapeldun izan zen eta ondorengo urtetan, beti, lehenbiziko lau postuak bete ditu. Beraz, esanda bezala, kontu handiko aurkaria.
Mikel Diestrok gidatutako taldea ere, ez da atzean geratzekoa, eta aurkari zail hauei aurre egiteko gai da, nahiz eta hainbat jokalari garrantzitsu bajan dauden. Baja hauek, bihotzarekin, kontzentrazioarekin eta hitzordu garrantzitsu honetan hutsik egingo ez duten zaleen hauspoarekin ordezkatu beharko ditu taldeak.
Pasa den asteburuan jasandako porrotaren ostean, Lauburu K.E. hamargarren postuan kokatzen da taulan, 18 punturekin.
Zale guztik gonbidatzen ditugu hemendik, bertako taldea animatzeko Belabietara etortzera; guztion indarra beharrezkoa du taldeak eta denon laguntzarekin askoz errazagoa izango da garaipena lortzea.
Atsedenaldian zozketatuko den bi lagunentzako afaria Leaburuko Ostatuak eskaintzen du, Klubaren laguntzaile berri moduan.
AZPIKO KATEGORIEN PARTIDAK:
Jubenilen Ohorezko Maila:
Valle del Ebro C.D. - Lauburu K.E. Mahala; Larunbatean 16:30ean. Gonzalo de Berceo kiroldegia, Logroño.
Emakumezko seniorrak:
Beasain B.H.I. – Lauburu K.E.; Larunbatean 14:00etan. Antzizar kiroldegia, Beasain.
1go probintziala:
Hirukide Eskolapioak – Lauburu K.E. Aldaz Klinika; Ostirala 20:30ean. Eskolapios kiroldegia, Tolosa
Kadeteak:
Lauburu K.E. – Arantzazuko Ama Ikastola; Larunbata 13:00etan. Belabieta kiroldegia, Ibarra
Infantilak:
Uzturpe Lauburu 2004 – Arizmendi Eskoriatza; Larunbata 12:00etan. Belabieta kiroldegia. Ibarra
Zarautz K.E. – Uzturpe Lauburu 2003; Larunbata 09:00etan. Antoniano kiroldegia, Zarautz.