Ibarrako taldeak aurreko jardunaldian jasandako porrota gainditu beharko du eta lanean jarraitu astez-aste, norbanakoen eta taldearen aurreratze prozesuan.
Gainera, kontuan hartu behar da, Castro Urdiales taldea hirugarren sailkatua dela, Lauburu Ibarra Mahalatik hiru puntura, eta Ibarrara garaipenaren bila etorriko direla; garaipenak lehenbiziko hiru postuetako lehian sartuko lituzkela jakinda.
Ziur gaude, aste guztian zehar gorputz teknikoak eta jokalariak egindako lanaren ostean, animoa berreskuratu izango dutela eta Castrokoen aurrean guztia emateko prest aterako direla.
LAUBURU ALDAZ KLINIKA, 1go Mailak, asteburu honetan The Nest Zerbezeria-Hirukide Ikastetxea taldearen aurrean jokatuko du, txapelketa honetan ikusiko diren hainbat derbietako batean. Urtea txapelketaren goiko aldean finkatuko dituen beste garaipen batekin ixteko asmoarekin aterako dira gureak.
Azkenik, LAUBURU K.E. IBARRA, kadeteak, atzeratu behar izan zuten partida aurreko larunbatean jolastu eta irabazi ondoren, larunbat honetan 13:00etan Anoeta Herri ikastola liderra jasoko dute Belabieta kiroldegian; talde hau garaiezina da oraingoz, beraz, aukera bikaina izango da gazte ibartarrentzat, urtea garaipen batekin amaitzeko.