Alfarokoek, 9 punturekin, sailkapeneko taularen beheko aldean kokatuta daude. Etxean indartu egiten dira eta bertan puntuak irabazten zaleak dira. Bisitari moduan etortzen direnean beren jokoa egiten gehiago kostatzen zaie; horregatik lortu dute puntu bakarra kanpoan. Taktikaz, esan daiteke ez duela erasoa asko lantzen eta bere jokoa piboteari baloiak sartzean oinarritzen duela, funtsean.
Mikel Diestro misterra lan bikaina egiten ari da, ibartarrak talde bezala eta indibidualki hazten eta jokalariak (haietako asko oso gazteak dira kategoria honetarako) egunetik egunera hobetu arazten.
Norgehiagoka honetan Andoni eta Ioritz ez dira egongo, bajan baitaude, eta azken momentura arte zalantza izango direnak, Aitzol, minagatik, eta Zumeta, zaintiratuagatik.
Aulkian Alfredo Hualde egongo da, Mikel Espainiako selekzioarekin egon den bestetan egin duen bezala.
Beti bezala, Lauburu K.E. taldearen jarraitzaileek animatu nahi ditugu, Belabietara hurbildu daitezen etxeko taldeak hiru puntuak lortzen laguntzera; oso garrantzitsuak dira puntu hauek sailkapen taulan lasaitasunez egoten jarraitu ahal izateko.