Errioxarrak aurreko jardunaldian Zierbenari 6-0 irabazi zion; Laskorainek, Castro Urdialesen, 1-2 estu batekin irabazi zuen eta Marrock taldeak, Gora Bilbao Redblue taldearen aurka bosnako berdinketarekin amaitu zuen.
Juananen mutilak kontzentrazioa eta intentsitatea mantendu beharko dute jokoan, akatsak garesti ordaintzen baitira bestela.
Belabietan futbol arratsalde zoragarria igarotzeko aukera: 2.B-koen derbia lehenengo, 16:30ean; atsedenaldian infantilen bi taldeak ikusteko aukera izango dugu, klubaren etorkizuna. Derbia amaitu ondoren, familia-argazkia aterako dugu, Lauburu Ibarraren egitura osatzen duten talde guztiekin, eta azkenik, Jubenilen Ohorezko Mailaren partida izango da, 19:00etan. Arratsalde garrantzitsua, klubarentzat; afizionatu leialak bertan egongo diren konfiantza du, Ibarran bertan gaurko eta biharko areto futbolarekin zirrara eta emozioa sentitzeko aukera paregabea eskainiko baita.
Klubeko taldeei dagokienez, azpimarratu, gizonezkoen 1go Mailan, Lauburu Aldaz Klinikak aurreko jardunaldia irabazi ostean, eta gorakada honekin jarraitzeko helburuarekin, larunbatean jokatuko duela bere partida, Legorretan, 16:00etan.
Lauburu Aldaz Klinika emakumezkoak, ostiralean jolastuko dute beren hirugarren jardunaldia, 20:30ean, sailkapenean liderra den Trintxerpe taldearen aurka. Lidergoa, gure neskek Eskoriatzan berdinketa egin ondoren eskuratu du Trintxerpek.
Azkenik, kadeteak, zeinak aurreko astean partida jokatu gabe geratu behar izan zuten, Hirukide Eskolapioak taldearen aurka neurtuko dira derbian, larunbatean 11:00etan tolosarren pabilioian bertan.