Aurkariak izango diren bi klub hauetan azpiko kategoriek berebiziko eragina dute Bigarren B mailako taldean. Lantaldeko 14 jokalarietatik 10 kanteratik datoz eta honek kategoria horietan lan bikaina egiten ari direla erakusten du.
Sailkapen orokorrean puntu baten aldea daukate bi taldeak. Biak, taulako toki lasai batean kokatuak daude eta bizpahiru partida jarraian irabazten saiatuko dira, posizio hobea eta anbizio handiko helburuak lortzeko.
Belabietan lortutako azken garaipenaren ostean, moratuek kanpoan irabazi nahi dute lehenbiziko aldiz. Ibarratik urrun jolastu duten guztietan piparreroek sentsazio onak eman dituzte eta lan bikaina eginagatik, ez dute garaipena lortzerik izan.
Lantalde gazte honekin Mikel Diestro entrenatzailea egiten ari den lan bikaina azpimarratu nahi dugu. Zalantzakor hasi ondoren, eta lan eta sakrifizio askoren ondoren, aurkitu dio taldeak tonua txapelketari.
AZPIKO TALDEEN KARTELERA:
-
Jubenilen Ohorezko Maila: Atseden
-
Gipuzkoako 1go Territoriala: Lauburu Aldaz Klinika – Jaixki A.F.T Ostirala 21:30 h. Ibarrako Belabieta kiroldegia.
-
Gipuzkoako emakumezkoen Territoriala: Eskoriatza K.E. – Lauburu K.E. Igandea 12:00 h. Eskoriatzako Manuel Muñoz kiroldegia
-
Kadeteak: Lauburu K.E. – SUMMA Aldapeta, Larunbata 13:00 h. Ibarrako Belabieta kiroldegia.
-
Infantilak: SUMMA Aldapeta – Uzturpe Lauburu 2004 13:30 h. Altzako kiroldegia, Donostia.
-
Infantilak: Uzturpe Lauburu 2013 – Erain 1ª-2ª ESO 12:00 h. Ibarrako Belabieta kiroldegia.