Partidako hirugarren minutuan, Tobik, defentsari baloia ostu eta jaurtiketa zehatz eta bikain batekin sareetara bidali zuen 1-0ekoa eginaz.
Etxeko taldearentzat izan ziren gol-aukera gehienak baina 14. minutura arte ez zen tanto gehiagorik egin. Oraingoan Urko izan zen golegilea, aldaratze baten ostean 2-0ekoa egin zuenean. Bi minutu beranduago piparreroen beste kontraeraso batean Condek 3-0ekoa ezarri zuen markagailuan.
Hamazortzigarren minutuan, Urtzik, kornerretik bizkaitarren ateetan sartu zuen, laugarren tantoa eginaz. 4-0eko emaitza honekin eta Txubelen taldearen nagusitasuna nabarmen geratuz, atsedenaldi-denbora iritsi zen.
Bigarren zatian antzeko dinamika ikusi zen, etxekoen nagusitasuna gol-aukera ugariekin. Hogeita seigarren minutuan, kornerretik atera ostean, Tobik 5-0ekoa egin zuen beste jaurtiketa bortitz baten bidez.
Minutu bat beranduago, ibartarrek borobildutako beste jokaldi batean, Gagok 6-1ekoa egin zuen. Bilbok, orduan, atezain-jokalaria atera zuen eta 36garren minutuan Briam Manuelek bien arteko aldea murriztea lortu zuen.
Hogeita hamazortzigarren minutuan, Jokinek, atezain-jokalaria bertan zela, baloia ostu eta poliki-poliki sareetara bidali zuen. 7-2koa zen.
Partida amaitzeko segundo gutxi falta zirela, bizkaitarrak beste tantoa egin zuten, 7-3koa azken emaitza izango zelarik. Etxeko taldeak joko handiko partida egin eta Areto Futbolaren erakustaldi bikaina eskaini zuten.
Kadeteak 5-1 irabazi zuten Inter Fachadas Gipuzkoa taldearen aurrean. Piparrero gazteak partida bere bidean ezarri zuten, 3-0eko abantailarekin amaitu zen lehenengo zati bikain batean.
Bigarren zatian donostiarrak kantxara biziagoak atera baziren ere, Lauburu ez zen bidetik atera eta taularen bigarren postuan kokatzen dituen 5-1eko emaitza bikain batekin amaitu zen norgehiagoka. Golegileak Asier (2), Aitor, Julen eta Gurru izan ziren. Uzturpeko infantilak Orixeri etxean irabazi zioten 4-5 estu batekin.