Mahala Lauburu, Bilbo eta Rivera de Navarra, bigarren, hirugarren eta laugarren postuan daude hurrenez hurren, eta hiruren artean jokatu beharko dute azpi-txapelketa, 2015-2016 kanpaina bukatzeko falta diren hiru jardunaldietan.
Filialak ostiralean, Ataunen jokatutako partidan, Trosketa taldeari 4-5 justu batekin irabazi zion nahiz eta partida, une oro, Juanmak zuzentzen duen taldeak menperatu zuen. 0-3 irabazten hasi ziren eta nahiz eta etxekoek 2-3koarekin azkar murriztu zuten aldea, partidak bukaera bikaina izan zuen eta piparreroak hiru puntuak Ibarrara ekarri zituzten.
Kadeteak, Tolosako Uzturpe frontoian jokatu zuten partidan, 1-5eko emaitzarekin garaitu zuten Teep Samaniego Orixe taldea. Mikel Raposoren taldeak partida bikaina jokatu zuen, lehenengo zatian jada, 1-4ko emaitzarekin, partida erabakita utzi baitzuten. Bigarren zatian etxekoak ibartarrak baino biziago atera ziren baina Lauburukoek kontrola berreskuratu eta markagailuan 1-5ekoa ezarri zuten. Golegileak Asier (2), Issam, Alex eta Alvaro izan ziren.
Larunbatean baita ere, Lauburu Berastegi, nesken taldeak, Eskoriatza K.E. taldeari 0-6ko emaitza sendo batekin irabazi zion Eskoriatzan, eta Uzturpe Lauburu, infantilak, Uzturpe ikastolan Aloña Mendiren aurka 2-3 galdu zuten.