Hiru puntuak lortzea oso garrantzitsua da Txubelen mutilentzat, taulan lehenengo doan Cerverano taldearen atzetik bi puntura baitaude sailkapenean. Bost partida besterik ez dira geratzen eta horietatik lau, etxetik kanpo jokatu beharko dituztenak, bat Cerveran tokatzen zaielarik. Txapelketaren final honetan titulua lortzeko lehia bizi-bizi ageri da.
Mahalako gazteak, etorkizuneko erronketarako esperientzia hartuz eta errodajea eginaz goiko kategorietako taldeen zerrendak osatuz ibili direnez, partida igandez izatea egokia izan da, horrek lantalde osoarekin jolasteko aukera ematen die-eta.
Zierbena aurkariak, zigortutako ugari ditu lantaldean baina azken egunetan beste jokalariren bat gehitu dute taldera. Bizkaitarrak sailkapenen lehenengoak dauden taldeen aurka emaitza onak izan dituzte baina aldi berean, puntu asko ere galdu dituzte azpitik dauzkaten taldeen aurka jokatutako partidetan.
Bazkideak gonbidatzen ditugu taldeari Zierbenara laguntzera. Irteera goizeko 9:00etan izango da Ibarrako Belabieta kiroldegitik.
Beste aldetik, filialak Eskolapioetan jolastuko du larunbatean arratsaldeko 17:15etik aurrera, Hirukide Eskolapioak Plomix taldearen aurka. Kadeteak Donostira joango dira 11:30ean Erain taldearen aurka jokatzera Pako Yoldi kiroldegian.
Lauburu Berastegi, nesken taldeari eta Uzturpe Laburu, infantilen taldeari atsedena tokatzen zaie.