Txubelen taldeak norgehiagoka honetan baja ugari izango ditu, Andoni eta Agus Zaragozara joango dira lehenengo taldearekin, Tobi abduktoretik lesionatuta dago eta Unai Infante ere, bere lesiotik osatzen baina bajan, hala ere. Beste guztiak prest egongo dira entrenatzaile ibartarrarentzat, Ayerbe eta Gurrutxaga kadeteak ere bertan izango direlarik. Joaneko partiduan piparreroek bizkaitarrei 0-3 irabazi zieten, Mahalak menperatuta eduki zuen partida lehiakor batean.
Gora Bilbao oso talde borrokalari eta lehiakorra da baina partiduek erraz ihes egiten die eta arazo honengatik sailkapeneko azken-aurreko postuan kokatuta daude, Castro-Urdialesekin batera. Liga guztian bi garaipen izan dituzte, bietako bat, Aspil Ribera Navarraren aurka irabazitakoa, ustekabean izan zelarik.
Elkarteak afizionatu guztiak deitzen ditu Belabietara agertu eta gure gazteak animatzeko eskatuz, kanpaina bikaina egiten ari baitira.
Talde filialak, Herrialdeko Lehenengo Mailakoak, asteburu honetan Euskalduna S.D. taldearen aurka jokatu behar zuen partidua atzeratu egin du eta otsailaren 17an jokatuko du, Ibarrako Belabieta kiroldegin.
Iñauteriak direnez, kadeteak, neskak eta infantilak atsedenaldia izango dute eta datorren asteburuan itzuliko dira konpetiziora.