Bigarren B mailako denboraldiaren bigarren itzuliaren hasiera da eta ibartarrak, 23 punturekin taularen zazpigarren postuan daude. Derbi honetara, azken hiru jardunaldietako zorte txarren soka daramate, non bi partida galdu eta bestea berdindu dute.
Lehenengo itzulian, Mikelen mutilak irregularki xamar hasi ziren baina emaitza onen boladaren ondoren, kategoriako lehenengo postuetarako lehiatu ziren. Lehenengo itzuli honen hamabigarren jardunaldian taularen laugarren postua lortu zuen Lauburuk, baina orduan Unai, David eta Arros lesionatu ziren, eta beranduago Aitzol ere bai. Taldeak faltan izan dituen lau urrunaldi garrantzitsu, beti ere.
Edozein kiroletako derbietan bezala, ibartarrentzat partidu berezia izango da hau, behar baino prestakuntza edo forma gutxiagokin daude, aipatu lesioak direla eta baina hala ere, norgehiagoka honek sortuko duen ilusioak, neurri batean behintzat, eragozpen hauek txikiagotuko dituela ziur gaude.
Debabarrena Concepto Egile, sailkapenean seigarren postuan dago, Lauburu baino puntu bat gehiagokin. Jota Arreguiren mutilak erdipurdi ibili dira lehenengo itzuli honetan, 8 garaipen eta 7 porrota izan dituztelarik. Eta piparreroen moduan, ohorezko postuetatik nahikoa urrutiratu dira.
Partidua ikustekoa izango da, bien arteko lehia eta lehenengo postuetara hurbildu ahal izateko, jokoan dauden hiru puntu garrantzitsuak alde batetik, eta bigarren itzulia ongi hasi eta dinamika ezkorrarekin hautsi ahal izateko modukoa. Liga luze joango da oraindik eta denboraldi on bat egiteko aukerak benetakoak dira, taldeek nahikoa berdinduta baitaude.
Irteera, igandean goizeko 10.15en izango da, Belabieta kiroldegiti. Bulegoetan izena ematen duen bazkide orok du taldearekin batera bidaiatzeko aukera. Oso giro ona espero da estreinatu berri duten Elgoibarko eraikinean. Nor bere aldetik joan behar duenaretzat, helbidea honako hau da: IMH, C/ Azkue Bailara, 1 – ELGOIBAR (Gipuzkoa)