Oso borrokalaria da talde hau, hiru jardunaldietan bi garaipen eta porrot bat egin dute eta sailkapenean hirugarren postuan aurkitzen dira 6 punturekin. Txubelek lantalde osoa du eskura bizkaitarrekin lehiatzeko prest.
Juanma Ordozgoitik zuzendutako filiala, sailkapenean buru eta garaitu gabe doa 16 punturekin, ibartarrak berdinketa bakarra eta bost garaipen pilatu dituzte egindako sei partidatan. Zazpigarren jardunaldia datorren asteazkena, hilak 18an jolastuko dute Belabietan eta Ataun Troskaeta hartuko dute arratsaldeko 20:00etan.
Kadeteak larunbatean jolastuko dute, eguerdiko 12:00etan Belabietan eta aurkaria Samaniego Orixe izango da. Mikel Raposoren gaztetxoak 9 punturekin bigarren postura igo dira Zarautz K.E. taldeari etxean irabazi ondoren.
Lauburu K.E. Ibarra Berastegik egokitu zaion atsedenaldiaz gozatuko du, eta Oscar Garciak gidatutako Lauburu K.E. Uzturpe berriz, Donostiara doa larunbatean, denboraldiko laugarren jardunaldia Aldapeta taldearen aurka jolastea. J.A. Gaska kiroldegian izango da, eguerdiko 12:00etan.