Bizkaitarrak talde borrokalaria eta oso gogorrak dira. Pasa den kanpainan, partida zail batean, piparreroek lortu zuten garaipena. Txubelek lantaldea bere osotasunean aurkeztuko du eta ibartarrak jokalekura indarrez aterako dira beren lehenengo hiru puntuak lortzeko helburuarekin.
Norgehiagoka, Bilboko La Peña auzoko Abusu kiroldegian izango da 18:30etik aurrera. Irteera, 15:00etan Ibarrako Belabieta kiroldegitik.
Probintziako lehenengo mailako taldea Mondragonera mugituko da larunbatean, 18:00etatik aurrera beren seigarren jardunaldia jolastera Pizza Per Tutti Mondrate C.D. taldearen aurka.
Juanma Ordozgoitik zuzendutako taldeak, azkenekoz Hirukideren aurka, berdinketa lortu zuen Belabietan. 13 punturekin, oraindik garaitu gabekoak sailkapenean buru jarraitzen dute; Iurre Tabernak 12 puntu ditu eta bigarren postuan dago; Hirukide Eskolapioak taldea berriz, hirugarren doa 11 puntuekin. Aurkariak bederatzigarren postua betetzen du, 4 punturekin.
Lauburu Ibarra Berastegi, nesken taldea bigarren postuan aurkitzen da bere markagailuan 6 puntu pilatu dituelarik. Berastegiko neskak, hirugarren eta laugarren postuko Inter Altzako eta Legorreta AFT taldeekin berdinduta daude. Sailkapeneko buru Idiazabal K.E. taldea da, 9 punturekin. Zehazki, larunbatean Lauburuk Idiazabalen jolastuko du partidua 16:30etik aurrera, Zelaa kiroldegian.
Lauburuko Kadeteak hirugarren postuan daude 6 punturekin. Aste honetako partidua igandean izango da 10:30ean Zarautz K.E. taldearen aurka, Zarauzko Antoniano kiroldegian.
Lauburu K.E. Uzturpe Infantilak larunbatean jolastuko dute 11:00etatik aurrera Hirukide Eskolapioak taldearen aurka Belabietan.