Lurraldeko 1. mailako taldeak 5-5 berdindu zuen Hirukide Eskolapioak Plomix-en aurka partidu lehiakor batean. Lehen zatia Laubururena izan zen, jokoa baloiaren jabetzarekin kontrolatzen zuen, nahiz eta aurkaria markagailuan aurreratu, atsedenaldira 3-1eko emaitzarekin iritsi ziren. Emaitza honek kantxan ikusitako nagusitasuna isladatzen zuen.
Bigarren zatian Hirukide Plomix-ek gehiago estutu zuen eta etxekoak jokoaren hainbat zatitan gaindituta ikusi ziren. Bi taldeen etengabeko lehiaren ondoren, partiduaren amaierara 5-5eko emaitzarekin iritsi ziren, emaitza honek ez zuen inor asebete.
Kadeteek larunbatean 9-2 irabazi zuten Erain-en aurka partidu bikain batean. Piparreroen nagusitasunarekin hasi zen, 3. minuturako Alvaro-ren bitartez aurreratu ziren. Emaitza honekin Lauburuk konfiantzan irabazten zuen eta golak iristen joan ziren atsedenaldira 5-1eko emaitzarekin iritsiz.
Bigarren zatian lehenengoaren gauza berbera, ibartarren erabateko nagusitasuna 9-2 emaitzarekin amaitzeko, golegileak Alvaro, Gurru, Alex (2), Julen (2), Issam (2) eta Aimar izan ziren.
Lauburu K.E. Ibarra – Berastegi nesken taldeak ostiralean Anoeta F.T. menderatu zuen 8-1eko emaitzarekin. Partidua berehala jarri zen etxekoen alde, 5. minuturako 3-0ekoa zegoen markagailuan, nagusitasunak lehen zatian zehar jarraitu zuen eta atsedenaldira 5-0ekoarekin joan ziren.
Bigarren zatia nahasiagoa izan zen, baina baloiak Lauburu – Berastegiren oinetan jarraitzen zuen, 3 gol gehiago sartu zituzten 8-1eko emaitzarekin amaitzeko. Golegileak Mireia (2), Lierni (2), Ane (2), Naroa eta Oihane izan ziren. Uzturpe – Lauburu K.E. talde infantilak ezin izan zuen The English School taldearen aurka eta partidua 8-1 amaitu zen Mons Kiroldegian.