Gaur 20:00etatik aurrera Bilkoin-en aurka jokatuko du. Legorretakoek hirugarren maila nazionalean jokatzen dute aurreko denboralditik.
Larunbatean berriz, 18:00etatik aurrera Iruñeko San Juan taldea hartuko du etxean. Diestroren mutilak aurreko larunbatean Iruñean 2-1eko emaitzarekin galdu ostean, errebantxa hartzen saiatuko dira.
Lehen bi lagunartekoen ondoren, entrenatzaile ibartarren balantzea honakoa da: “Egokitzapen aldian gaude zentzu guztietan, entrenamendu metodologiatik, taktika mailara, erasoan eta defentsan ideia berriak, barneratzen denbora behar izango dutenak. Zierbenaren aurkako lehen lagunartekoan, gure aurrean aurkari handi bat genuen eta baja askorekin gindoazen. San Juanen aurka hobeto aritu ginen, ia jokalari guztiekin, nahiz eta oraindik espero dugunarengandik urruti egon. Gaur eta larunbatean beste bi lagunarteko ditugu, erritmoa eta ideiak barneratzen lagunduko digutenak”.