Bazkide egiteko kanpaina martxan dugu jada. Web orriaren bidez egin daiteke edota kirol elkartearen Belabietako bulegoetan, astelehenetik ostiralera 18:15etik 20:15era bitartean.
Bazkide egitea gure familiaren parte izatea da, Laubururen kirol proiektua babestea besteak beste. Bazkideak batzarretan bozka bidez parte hartzeko aukera izango du eta elkartearen etorkizunari buruz erabakitzeko ahalmena. Elkarte xume honek 25 urte bete ahal izanak pertsona frankok urte hauetan egindako lana erakusten du, akats batzuk baina asmatutako erabaki ugariz betetako ibilbidea egin dugularik.
Garai hauetan, gure proiektua finkatzeko zuen laguntza behar-beharrezkoa egiten da. Instituzioek eta gure kirol-aholkularitzak emandako aholku eta irizpideei jarraituz, abonatuaren irudia desagertzen da bazkide bilakatzeko.
Bazkide guztiek, partida guztietara doan sartzeko aukeraz gain, lehenengo taldearen partida bakoitzean zozketatuko den afari batean parte hartuko dute, bertan izan edo ez izan.
Areto futbol zale gipuzkoarrak orokorrean, eta ibartarrak bereziki, errendimendua landu eta azpiko kategoriei zerbitzu ona eskeiniko dien kirol elkarte sendo bat izatea nahi badugu, zuena izan behar du lehenengo keinua.
http://www.lauburuke.com/bazkidea-egiteko-orria-hoja-de-datos-para-socis/