Urtero bezala, Laskolilatoia antolatu dugu Usabalgo eraikinaren inguruan; Lehen Hezkuntzako 3. mailatik hasi eta Batxilergo 2. mailarainoko ikasleek eta irakasleek korrika egin dute emakumezkoen eskubideak aldarrikatzeko.
Ostean, Iurreamendi egoitzara egin dugu bisita, adinekoak zaintzen dituzten langileei esker ona adierazteko. Bertan azaldu dute ikasleek gaurko aldarrikapenen zergatia: «Etxeak eta herriak zaintzailez beteta daude, zaintza behar baitugu denok, baita zaintzaileek ere. Hortaz, zaintza denon ardura izanik, lanak ez dezala emakume aurpegia izan». Bukatzeko, bertako langileei aurreskua egin diete, eta egunean zehar eginiko paperezko lore moreak eman, haien lana eskertzeko.