Duela bi asteko Cansat Euskadi txapelketan bezala, Iker Canales, Ander Martinez de Rituerto eta Urko Odriozola ikasleek hartu dute parte ekimen honetan.
Ostiralean aurkeztu zuten proiektua taldekideek eta larunbatean aireratu zuten Cansat-a, Cosmic Research taldearen suziriei esker. Aipatzekoa da burutu beharreko bi misioetatik talde guztientzat komuna zen lehen misioa talde gutxi batzuk lortu zutela, Laskorain Ikastola barne. Egun honetako lana, ikasturte guztian egindakoa eta epaimahaia eta ikusle guztien aurrean egindako aurkezpen bikainari esker, hirugarren postuan sailkatu dira tolosar gazteak.
Bestalde, azpimarragarria da antolakuntzarekin elkarlanean eta epaimahaian aritu dela ESA (European Space Agency) taldea.
Taldekide guztiek eskerrak eman nahi dizkiete lan honetan zuzenean nahiz zeharka lagundu duten "El Kilo" denda, Tabakalera-Hirikilabs eta ikastolako ikasle eta irakasle guztiei.