9:00etatik 12:30ak arte aritu dira jo eta su. Lan mordoa egin dute, besteak beste: patioa txukundu, bi horma-irudi erraldoi margotu, zakarrontzi berriak jarri, bizikleta aparkalekuak lotu, iaz erabilitako bi gela zuriz margotu, bi tipi dotore egin, erretenak garbitu, liburutegiko liburuak antolatu... Dena den, ez da guztia lana izan; izan ere, 11:30ak aldera, ikastolako sukaldean bertan prestatutako hamaiketakoa eta haurrek egindako taloak jateko aukera ere izan dute eta, jakina, taldeko argazkia ere atera dute. Auzolan hau beste askoren hasiera izan dadila!!!
Gaur, abenduak 6a, lan egutegi propioa aldarrikatzea helburu hartuta, auzolanerako elkartu dira Tolosako Laskorain ikastolako hainbat guraso, ikasle eta langile. Guztira, 200 lagunetik gora elkartu dira auzolanerako.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!