Datorren abenduaren 6an, lan egutegi propioa aldarrikatzea helburu hartuta, auzolanerako elkartuko gara Laskorain ikastolako hainbat guraso, ikasle eta langile; guztira, 250 lagunetik gora.
9:00etatik 12:30ak arte arituko gara jo eta su, eta lan-zerrenda ere prest dugu. Besteak beste, lanok egingo ditugu: patioa txukundu, bi horma-irudi erraldoi margotu, zakarrontzi berriak jarri, bizikleta aparkalekuak lotu...
Dena den, ez da guztia lana izango; izan ere, 11:30ak aldera, ikastolako sukaldean bertan prestatutako hamaiketakoa jateko aukera izango dugu eta, jakina, taldeko argazkia ere aterako dugu.
Auzolan hau beste askoren hasiera izan dadila!!!
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
