Txapelketa kutsua baino ikuskizuna bilatuko da, argiekin, telebistarekin eta abar. Arria V.a, bere iloba Arria VI.a, Zelai harri-jasotzailearen semea, Aratz Mugertza, Luis Txapartegi eta Xabier Zaldua izango dira bost herri kirol egin beharko dituztenak.
Lana handia izango da. Aurrena, 100 kiloko harria 25 aldiz jaso beharko dute. Ondoren, 400 kiloko harria giza proban mugitu beharko dute, bi plaza eginaz. Hirugarren kirola aizkora izango da, hiru kana-erdiko ebaki beharko dituztelarik. Jarraian 50 kiloko txingekin sei plaza egin beharko dituzte. Azkenik, korrika, zezen plazari 30 itzuli eman beharko dizkie, hau da, hiru kilometro.
Arazo handienak entrenamenduetan, gehienek, 100 kiloko bolarekin dituztela ikusi dut. Giza proban komeriak izango zituztela uste nuen, baina behin ikasiz gero tiraka moldatzeko moduko proba omen da.
Zozketa bidez hirunaka ariko dira kirolariak, eta lana ikusita, ikuskizuna ere izugarria izango da.
Lana benetan gogorra, oso gogorra hartu dute Herri Kirol Pentatloian parte hartuko dutenek. Irailaren 29an, iluntzean, Azpeitiko zezen plazan izango da ikuskizuna.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!