Denboraldi honetan lehen postua lortu dute 8 lasterketatako taldekako sailkapenetan, besteak beste ekainaren 13an eta 14an Bergaran eta Oñatin jokatutako Gipuzkoako Txapelketan.
Kadeteen maila horretako Unai Iribar izan da garaipen gehien lortu dituen txirrindularia. Kasu honetan ere besapean ditu Bergarako erlojupekoa eta Oñatiko errepidekoa, Gipuzkoa mailako txapelak biak hala biak.
Denboraldia ongi amaitzeko, Amarotzen, etxean gailendu ziren pasa den asteburuan, bai taldeka eta bai bakarka ere, Unai Iribarrek aurtengo bederatzigarren txapela bururatu baitzuen bertan.
Espainiako txapelketarako hautatuen artean
Eginiko lanaren fruitu, Lorcan jokatuko den Espainiako txapelketan lehiatuko da Unai Iribar Euskadiko selekzioarekin. Estatuko txirrindulariekin neurtzeko aukera izango du bertan, eta han hartutako esperientzia lagungarri izango du zalantzarik gabe hurrengo denboraldian.
