Bost erkidegotik etorritako 12 eta 15 urte bitarteko 180 gaztek, Roberto omenduko dute, ahal den era onenean, igeri egiten. Roberto Jauregik hegats igeriketa Tolosara ekarri zuen entrenatzailea izan zen eta edozein kirolariri laguntzeko prest zegoelako ezagutzen dute tolosar askok eta askok.
Igarondo Urpekoak taldeak antolatutako txapelketa bi saiotan egingo da, goizez 10:00etan hasita eta arratsaldez 16:00etan. Honako bost erkidegoetako igerilariak parte hartuko dute: Aragoi, Nafarroa, Galizia, Katalunia eta Euskadi. 50 metrotik hasita eta 400 metro arteko probak gauzatuko dira. Antolatzaileek ikusleentzat oso formatu ikusgarria izango dela, pentsatzen dute. Igarondo Urpekoak taldeko 20 igerilarik parte hartuko dute. Beraientzat esperientzia polita izatea espero dugu.
Amaitzeko, Tolosako Udala, Cartonajes Limousin eta Copytec babesleei, eskainitako laguntzagatik eskertu nahi diete antolatzaileek.