Nola eragin dezake?
• Urduritasuna. Seme-alaba urduri egon daiteke egoera berriak sortzen dizkion beldurrak eta segurtasun ezak tartean direlako. Beraz, desafiatzaileago egon daiteke, isolatuago, lo gaizki egin dezake, gutxiago edo gehiago jan dezake, azkar haserretu daiteke, eta negarra ere agertu daiteke.
• Haur desafiatzaileak. Haur batzuek euren egonezina aterako dute heldua neurtzen. Beraz, heldua neurtzeko bide ezberdinak erabiliko dituzte: gaizki portatuko dira, gelan molestatuko dute, erantzun txarrak emango dituzte... Puntu honetan, garrantzitsua da heldua, kasu honetan gurasoak zein irakasleak, haurraren desafio portaeraz jabetzea eta limiteak jartzea. Bestela, haurrak desafiatzen jarraituko du eta bere portaera arazoak larritu egingo dira.
• Loa. Erronkak desafioak gisa ulertu behar ditugu. Honela, ohikoa izango da seme-alabak kontu ezberdinei buruari bueltak ematea, lasai dagoenean batik bat; egunean zehar bizi izan dituen egoeren inguruan kezkatuko da, hain zuzen ere. Beraz, euren gorputza egun osoan zehar tentsioan dagoenez, gauean ezingo dute deskonektatu ezta atsedenik hartu ere. Gainera, udako lo ordutegiak oraindik orain bere eragina izan dezake, eta gorputzak denbora bat behar izango du loa doitzeko.
• Beldurrak eta konplexuak. Ikasleak, batik bat nerabeak, konplexuz beteak egoten dira, eta beldur diete lagunen kritikei. Institutuan edo unibertsitatean hasten direnean, taldearen beharra izaten dute, baina kasu askotan, taldea oraindik eratu gabe egongo da, taldekide gehienak berriak direlako. Ondorioz, ikasle askok urduritasun krisiak izaten dituzte, baina taldea eratu ahala, gutxitzen joango dira krisi hauek.
Bizitza erronkaz beteta dago, eta erronkei aurre egiten ikasi behar dute haurrek, txiki-txikitatik. Honela, ikasturtearen hasiera erronkei eta kezka berriei atea irekitzeko unea izaten da, egokitzapenaren garaia, alegia. Orduan eta hobeto egokitzen badira gurasoak zein seme-alabak, orduan eta hobeto helduko diete erronkei, eta hobeto kudeatuko dituzte. Beraz, arnasa sakon hartu eta egin diezaiogun aurre ikasturte berriari
