Hau dela eta gurasoak euren seme-alaben aurrean, guztiz normal kontsumitzen dute alkohola zein tabakoa. Baina normalizazioak badauka bere koxka, izan ere, haurrak zer ikusi hura ikasten du. Beraz, batez ere haurra nerabe bilakatzen denean, berak bere guraso bezala, alkohola kontsumituko du, tabakoa erre ere bai sozializatzeko, eta baita ere, debekatuta dagoenak erakarri egiten duelako.
Gero eta ikerketa gehiagok adierazten duten bezala, gazteen arteko kontsumoa gorantz doa arrazoi hauengatik:
- Gizarte mailan daukan onarpena: Bizitza pribatu eta publikoan
- Familia arazoak: Hainbat familia arazoen aurrean, seme alabek kontsumoan aurkitzen dute “babesa”. Batez ere, bere egoera berdina bizitzen ari diren pertsonen babesa, talde identitatea
- Tabakoa: Nahiz eta lege aldetik hainbat arau zorroztu, gazte askok tabakoa erretzen dute.
- Tabakoa eta alkohola: Beste drogen sarrera dira, marihuana edota kokaina
Europara begiratuz, Espainia kontsumo indize altuena duen herrialdea da. Hau aipatu ditugun arrazoi desberdinengatik da. Alde batetik, kontsumoa gutxitzeko bultzatzen diren kanpainak ez direlako nahikoa. Formazio gehiago behar da hezitzaileen aldetik eta baita gurasoen aldetik ere. Kontzientzia indartu behar da eta normalizazioa arriskutsu bezala ikusi.
Era berean, gazteen aisialdia bizitzeko politikak indartu behar dira; eskaintza zabaldu, beraien beharrez galdetu, beraiei ere formazio eskaini, hau da, gaia tabu izateaz hasi eta arazoari aurrez aurre egin.