Xepla elkartean jokatu zen lehena, eta Atari Tabernan bigarrena, iragan ostiralean. Lehen kanporaketan bezala, hemen ere hiru bikote sailkatu ziren uztailaren 6ko finalerako.
Atari Tabernan 18 bikotek eman zuten izena, eta irabazleak Aranzegitarrak izan ziren. Aita-semeak bikote ederra osatzen dute, eta ez da ahaztu behar Ibarrako Mus Txapelketa irabaziak direla aurreko edizioetan. Aurten ere, finalean egongo dira, eta kontuz ibili beharko da hauekin.
Joselu eta Antxonek bigarren egin zuten Atari Tabernan, eta hirugarren geratu ziren Joxemari eta bere bikotearekin batera Xeplako final handian egongo dira.
Asteburu honetan hirugarren kanporaketa jokatuko da, Txumitxa Tabernan. Orain artekoak ez bezala, larunbatean izango da txapelketako hitzordua, 16:30etik aurrera.
