Ibarrako III. Mus Txapelketa Herrikoia ostiralean hasi zen, Gaztelubide tabernan. Lehen hiru bikotek finalerako pasea lortzen zuten bertan:
1. Jaure-Txori
2. Joxelu-Antxon
3. Joxemari-Vallejo
Bikote hauek ondorengo kanporaketetan jokatzen jarraitzeko aukera dute, baina kanporaketa horietako sariak irabazteko ere. Berriro finalerako pasea lortuz gero, ordea, kanporaketa horretako hurrengo bikotearentzat izango litzateke. Adibidez, laugarren geratzen direnentzako.
Gaztelubiden 16 bikotek eman zuten izena. Lehen saria beraz 160 eurokoa izan zen, inskripizioaren erdia. Beste erdia finalerako jaso da, kartelen 28,80 euroak kenduta. Kanporaketa guztietan horrela egingo da. Gauzak horrela, ekainaren 30eko finalean inskripzio guztien erdia banatuko da: 2.000 euro inguru banatuz lehen sailkatuen artean. Iaz Aranzegitarrak izan ziren txapela txapeldun handiak.
Kanporaketako bigarren saria tabernariek betetzen dute, diruz edo produktuekin. Kasu honetan Gaztelubidek 70 euro jarri zituen.
Hurrengo ostiralean, Bar Norten
Apirilaren 7an jokatuko da bigarren kanporaketa, Euskal Herri kaleko Bar Norte tabernan, Ibarra sarreran. Kanporaketa honetan ere finalerako 3 pase egongo dira jokoan. 22:30ean hasiko da bigarren kanporaketa. Astez aste 12 kanporaketa jokatuko dira Ibarrako taberna ia guztietan, baita Izaskun auzoko bietan ere. Finala ekainaren 30ean izango da Xepla elkartean.
