Eguzki talde ekologistak eta Goierriko Landarlan Ingurumen elkarteak Aralarko eremu babestuaren «etorkizuna zalantzan» ikusten dute. Bi erakundeen alegazioak aurkeztu dizkiete Eusko Jaurlaritzak iazko urte bukaeran kontsultarako ireki zuen Aralar eremu babestuaren antolamendurako planari (NBAP) eta gauza bera egin du Gipuzkoako Foru Aldundiko Lurralde Oreka Berdea departamenduak martxoaren 11n Kudeaketa Planari. Era berean, Enirio-Aralar Mankomunitateak bere lurraldeari dagokion Plan Orokorraren ingurumen ebaluazio estrategikorako kontsultaren alegazio epea gelditzeko eskatuko dute.
Eusko Jaurlaritzak 2025eko urte amaieran kontsultarako ireki zuen Aralar eremu babestuaren Antolamendurako plana (NBAP) eta martxoaren 11n amaitu zen epea. Bi erakundeek diotenez, hainbat elkarte eta herritarrek alegazioak bidali zizkieten Eusko Jaurlaritzari «plan hori ingurumen arrazoi ugarirengatik onartezina» zela adieraziz. «Epea bukatu zen egun berean, Gipuzkoako Foru Aldundiko Lurralde Oreka Berdea departamenduak Kudeaketa planaren kontsulta ireki zuen, oraindik Eusko Jaurlaritzak Antolamendu planaren alegazioak erantzun eta plana onartu ez duenean, Kudeaketa plana Antolamendu planaren baitan dagoenean. Bai Eguzki zein Landarlanek alegazioak aurkeztu dizkiogu Kudeaketa planari ere».
Jarraitu irakurtzen Goierriko Hitzaren webgunean.