Bidania-Goiatz eta Errezil arteko GI-2634 errepidea itxita dago 05:00ak geroztik. Errezilgo herrigunetik pare bat kilometrora dauden bihurguneetako batean garraio bereziko ibilgailu bat ez aurrera eta ez atzera gelditu da goizaldean. Hura ateratzen saiatu direnean, berriz, ibilgailuak gainean zeraman hondeamakina irauli da, eta hura gelditu da bidean gurutzatuta, errepidea moztuz. 17:30ean itxita jarraitzen zuen errepideak, Ertzaintzak jakinarazi duenez. Iturri horren arabera, errepidea garbitzeko lanekin jarraitzen dute oraindik.
Errezildik Azpeitira arteko errepidea zabalik dago, baina Bidania-Goiatz aldetik Azpeitira doazenek Urraki aldetik joan behar dute nahitaez. Ertzaintza ari da trafikoa zuzentzen.
Urola Kostako Hitzak argitaratutako albistea.