Niko Etxart, Petti, Izaro, Alex Sardui eta Gorka Sarriegi igo ziren taulara, eta kanta propioak eta euskal kantagintzako klasikoak interpretatu zituzten, Tolosako orkestraren moldaketekin.
Klasikoen artean, erraz iristen diren doinuak hautatuak zituzten (Balearen bertsoak, Bizkaia maite, Izarren hautsak…), eta ahotsak ere ez ziren nolanahikoak. Publikoak asko gozatu zuen abeslarien nahiz orkestraren interpretazioarekin. Baina batez ere harrigarria da jaialdian parte hartu zuten abeslari gazteenenekin orkestrak eginiko lana, haien abestien moldaketak zoragarriak izan ziren, ederrak benetan.
Kontzertu hori bera eskainiko dute Zarateko lepoan, datorren igandean, 12:00etan, Azken Muga egitasmoaren barruan.
Kontzertuko argazki guztiak ikus ditzakezue Bidasoko Hitzan.