Ezpala Gaztetxea

Gazte Abertzaleak-ek Ezpala Gaztetxearen hustea salatu nahi du

Erabiltzailearen aurpegia

Ezpala gaztetxearen hustearen aurrean, gure gaitzespena eta salaketa zabaldu nahi dugu jendartean, proiektu horri gure elkartasuna eta babesa eskaintzearekin batera.

Gero eta gehiago gara autokudeaketaren alde gauden gazteok eta, aldiz, erakunde publikoek, lagundu beharrean, trabak eta oztopoak jartzen dituzte, aldiro-aldiro; Ezpala proiektu berri eta zabalaren gunea ere itxi egin dute.
Gazteen parte hartzea eta antolakuntza dinamikoak posible egiten fituzten gune horiek, eta horien defentsa irmoa egiten dugu Gazte Abertzaleak-etik: hainbat ekimen antolatzen dituzten guneak; talde anitzak elkartzeko aukera ematen dutenak; gure herrietako sorkuntza dinamika libreak sustatzen dituztenak, irekita eta bizirik jarraitu behar dute. Eta, batez ere, erakunde publikoek horiek islatu behar dituzte beraien egunerokotasunean.
Gure ustez, hauteskundeen ostean irekitako abagunean, talde politikoek, tokian-tokian, jarrera baikorrak sustatu behar dituzte, horrelako guneak zabaldu eta mantentzeari begira. Herri-eredu berri bat helburu izanda, gakoa da autokudeaketaren gaia gazteen antolaketaren berezko esparru bilakatzea: kontsumismoan oinarritutako ezintasun funtzionalari bizkarra ematen dio, eta proposamen sortzaile eta dinamikoari harrera egin, krisialdian nahiz krisirik gabe, gizartean egoera zailenetakoa bizi duen sektorearen eskutik: gazteak.
Gizarteari autokritika egiten dion gazteria aktibo, konprometitu, anitz eta solidarioaren alde egiten jarraituko dugu.
GORA GUNE AUTOGESTIONATUAK! GORA EZPALA!

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!