Tailer honetan odolaren beharrez jabetu ziren. Aldi berean 5.mailakoek, zahar egoitzatik igo ziren aiton-amonen istorioak entzuteko aukera izan zuten. Harrera, ikasleek aurreskua dantzatuz egin zieten eta beraien artean giro polita sortu zen.
Arratsaldean berriz, Arroako plazara gerturatu ziren guztiak, gynkanan parte hartu eta txokolate beroa hartzeko aukera izan zuten. Ekintza honek arrakasta izugarria izan zuen eta, eguna ondo bukatzeko, ikasleek joan den astean landutakoaren osagarri, gurasoek, Lilima taldeen eskutik “Sexuen hezkuntza seme-alabekin lantzeko” tailerra burutu zuten.
Asteartean aldiz, GUREA antzokiko erakusketa gelan, “Haurrekin heriotzaz nola hitz egin” Nerea Mendizabalen eskutik entzuteko aukera izan genuen eta jende ugari gerturatu zen.
Bestalde gaur, asteazkena, Funky emanaldia eskolako ikasleen eskutik eta “Pirata Garrapataren istorioak” ikuskizuna ikusteko aukera izango dugu. Bihar berriz, “kolore guztiak” festa (aurpegia eta eskuak margotu, txapa tailerra, musika, janari tipikoak…) eta ostiralean, asteari bukaera emateko, danborrada, buruhandiak, erraldoiak eta bokata jatea izango dugu. Ikusten duzuenez, era guztietako ekintzak daude, beraz, animatu eta gerturatu zaitez!