Nobel saridun zein puntako ikertzaileen, eta bigarren hezkuntzako eta batxilergoko ikasleen arteko topaketak dira Passion for Knowledge 2016.
Topaketa hauen helburu nagusia, hain zuzen, Euskal Herriko ikasleen zientzia eta teknologia ikasketei begirako bokazioa sustatzea da; betiere, ezagutzarekiko pasioak ikasle gazteak goitik behera busti ditzan.
Topaketa bakoitzean, nazioartean ezagunak diren hainbat arlotako hiru ikertzaileek hartzen dute parte. Kasu honetan, Elena Cattaneo, Dudley Herschbach eta Pamela Diggle aritu dira, moderatzaile Pedro Miguel Etxenike zutela.
Gonbidatutako zientzialariek zientziarekiko eta ikerketarekiko beren pasioari buruz eta beren bizipenei eta ibilbide profesionalean metatutako esperientzia guztiei buruz hitz egin dute. Bertaraturiko ikasleek egindako galderak ere erantzun dituzte.
Argazkian, gure ikastetxeko ikasleak Pamela Diggle irakaslearekin agertzen dira.