Goiz osoko lansaioa izango da, Atxulondo kultur etxean, 10:00etan hasita. Garrantzia berezia duen lansaioa, hurrengo urteetarako gida lerroak zehaztea baita helburua.
Zizurkilgo EH Bilduk hilabeteak daramatza udal hauteskundeak prestatzen. Herri programaren lehen zirriborro bat landu dugu hauteskunde batzordeko kideek, eta herritarrekin aztertuko da larunbat honetan, hilaren 16an.
Era berean, hurrengo hauteskundeetako zerrenda lantzen ari gara. Izan ere, ziklo bat itxiko dugu maiatzean alkatearen agurrarekin, eta harekin batera talde berri bat osatu nahiko genuke.
Horretarako lehen hitzordua, larunbatean, Atxulondo kultur etxean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
