Anoetako EH Bilduk herri batzarra egin du

Erabiltzailearen aurpegia

Anoetako EH Bilduren mahaiaren koordinatzailea aukeratu genuen bilkideen artean.

Lehenik eta behin Anoetako EH Bilduren egoera, egitura eta funtzionamenduaz aritu gara. Izan ere aurreko ikasturtean EH Bilduren herriko mahaia eratu genuen, udalgintzaz gain bestelako gaiak ere lantzeko. Bai herri mailako hausnarketak, eztabaidak eta dinamikak; zein eskualde, herrialde edo nazio mailakoak lantzeko. Mahai honek EH Bilduri izaera integrala ematea du helburu, instituzioetan jarduteaz gain herrian eraginez; eragile eta taldeekin harremanak landu eta dinamika herritarrak bultzatuz. Herrigintza eta udalgintzaren arteko zubi lan iraunkor eta koordinatua eraikiz.
 
Herriko EH Bilduren komunitatea osatzeari ere ekin genion aurreko ikasturtean, Bilkideen figura indartuz. Bilkide hauen artean Anoetako EH Bilduren mahaiaren koordinatzailea ere aukeratu genuen.

Azalpen hauen ondoren, aurreko ikasturtean martxa jarritako dinamikak baloratu eta aurtengorako markatutako lan lerroak aztertu ditugu. Bai mahai politikoarenak, bai udalgintzarenak, eta baita dinamika partekatuak ere.

Bertaratutakoen ekarpenak eta iritziak jaso ondoren, martxan jarriko ditugun ekimenetan  parte hartzera gonbidatuz amaitu dugu. Ilusio eta gogoz dihardugu lanean; ezkertiar eta independentista guztiok dugu lekua EH Bildun eta denon artean eraikiko dugu Anoeta eta Euskal Herria.

Amaitzeko, estatu mailako indar soberanistok elkarlanean urriaren 8rako deitu dugun  Deskonektatu elektriketatik! ekimenarekin bat eginez argazkia atera dugu.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!